ناقم على السماء والبشر

.

ناقمٌ على السماء.. حاقد على البشر
ساخط على القضاء.. ثائر على القدر
غير قطرة المساء .. لا أحب في السحر
صرت أمقت الصفاء.. صرت أعشقُ الكدر
غير مشهد الدماء.. لا أحب في الصور
ناقمٌ على السماء والبشر

.
رومنطقية الموت،الياس أبو شبكة

رجعت العصفورة

........................

رجعت العصفورة تعشش بالقرميد والسوسني رجعت تزهر من جديد

إجت الشتويي تجمعو العشاق رجعت المدارس

أطفال تلج و عيد وطلع السماق ومد جناحو.. بس اللي راحوا راحو

.

بالدفاتر عندي أسامي غياب.. أصحابا تركوها صارت بلا صحاب

يوسف الكندرجي صبحي بياع الكاز.. وأمين البواب اللي انقتل عالباب

أساميهن عندي وهني راحوا وكل اللي راحوا راحوا

قالوا كتير وكتبوا كتير .. قالوا كتير وكتبوا كتير.. مراكب دمع وعواطف حرير

قالــــــــــــــــوا

وصلت القصايد لآخر الدنيي القصايد المجروحة لآخر الدنيي

قالوا تهدم وطن الهدير وطن الزمان اللي علم وبني

وبكيت الدنيي بكيت الدنيي.. قالوا، قالوا

لكن رح نرجع رح نرجع رح نرجع رح نرجع من حرايق رح نرجع من شوارع

هدمتها المدافع رح نرجع رح نرجع

لبنان الحقيقي جايي.. لبنان البساطة جايي .. لبنان الحقيقي جايي

.

تيشيل الوجوه المصبوغة الوعود المدموغة
الوجوه المصبوغة الوعود المدموغة.. وياخدهن الشتي

بفيي البواب عم تكبر الطفولة عم تكبر البطولة عم تلمع الساحات
يا وطني العظيم.. يا وطني.. يا وطني العظيم
نهر الفرح والع و بضو الفجر الطالع تتوهج الحياة

ايها اللبنانيون...‏

ايها اللبنانيون وانا ايضا رأيت من «واجبي الوطني» وحسّي الذي يغلي، ان اتوجه اليكم ‏وخلفي العلم اللبناني وانا خلف الطاولة البوديوم حتى ولو لم يكن امامي كاميرا ومذياع ‏لأن ظروفي المادية، وموقعي النجومي وان لم يبلغ بعد درجة نظرائي الذين يتوجهون اليكم بـ ‏‏«ايها اللبنانيون» - والتي هي في الاساس حكر على صاحب الموقع الشرعي لهذا التوجه اي ‏فخامة رئيس الدولة، الا انها اليوم وبفضل الفوضى الخلاقة، قد وصلت في استخداماتها (وشكرا ‏لأنها قد وصلت) الى اخر اخير قد يخطر في بال احد...الاّ انه لا بأس ان تخيلتموني في المشهد ‏المفترض، فانشدّوا الى ندائي:‏
ايها اللبنانيون،

كنا وما زلنا نسعى لأجلكم وعليكم ان تصدّقوا وتسلّموا وتسيروا وإلاّ...‏
ايها اللبنانيون،

ما عليكم الا ان تتبعوا ارشاداتنا وشاراتنا، وخط سير قراءاتنا الحاضرة والمستقبلية...‏
ايها اللبنانيون،

اياكم والعودة الى التاريخ اي تاريخ سواء كان قديما او حديثا... لأننا سنخط لكم تاريخا ‏جديدا...
تاريخا زاهرا زاخرا..‏
ايها اللبنانيون،

إنزلوا الى الشارع واملأوا الساحات متى نقول لكم انزلوا ولا تنزلوا متى قلنا لكم لا...‏ فنحن من يعرف مصلحة الوطن السيد الحر المستقل ومصلحتكم والا كسّرناكم وكسّرنا على رؤوسكم ‏ما تيسر...‏
ايها اللبنانيون،

ونحن نعرف اي يوم بمقدوركم ان تنتجوا فيه واي يوم ليس بمقدوركم ذلك، كي تتوقفوا او لا ‏تتوقفوا عن العمل فلكل كائن حي موسمه في الإنتاج كما في الشحاح... (وكلنا اولاد ريف ‏ومزارع ونعرف...)‏
ايها اللبنانيون،

نحن ادرى وادرك فاتبعوا الارشادات الإعلانية الحمر: رايح اسهر (حتى ما احلمكم بنومي) عندي ‏صف (بس مش دارس) نازل عالشغل (وما الي جلد) راجع من السفر (وندمان) باقي هون (مهما ‏العالم قالوا) ناطرينكم بالساحة (اي ساحة) ومنكمل باللي بقيو (بدك يبقى حدا) بدنا ‏الحقيقة (الكذبة مش خطية) لن ننسى شهداءنا (اللي بيناسبونا) احب الحياة (على مزاجي) ‏الخ الخ الخ...‏ ايها اللبنانيون، لا يجوز ان تعتبروا انفسكم نبهاء، فما بين النبه والهبل «ن» فقط... ‏ولولا النون «ن» المعظمة لكانت انقلبت ما بيننا وبينكم كل الادوار.‏
ايها اللبنانيون، ‏

نحن من مُنح سلطان سوقكم، فلا يعاندن منكم احد ولو شك براسو ريش، فالريش اسهل ما وجد ‏من كائنات للنتف... فجنبوا رؤوسكم الصلع...‏
ايها اللبنانيون،

اسلوب الشتيمة وحده يحرركم، والشعر وحده يُسكركم فاحفظوه وانشدوه من عصر الى عصر... ‏وعودوا الى الاعمال المسرحية لتستنيروا وتستشهدوا بمشاهدها، وعيروا الحيوانات الاليفة ‏والمتوحشة اهتماماتكم لانها دخلت المناهج السياسية الحديثة...‏

ايها اللبنانيون،
نصيحة لا تسترسلوا في قراءة ما ورد اعلاه، بل فكروا جيدا انه وللاسف هكذا ينظر الينا ‏ويتصرّف تجاهنا كل هؤلاء الذين يتوجهون الينا بـ«ايها اللبنانيون»، صبح مساء، وفكروا ‏جيدا، عن جدّ، ماذا علينا ان نفعل لنستريح؟ لكن ها المرة عن جدّ مش عن مزح، لا سبيل ‏لنخلص ونستريح الا بالسناريو الشجاع التالي: ان نقلب على هؤلاء الطاولة، ونحرمهم شهوة ‏الكاميرا والمذياع، ونقدّم العلم اللبناني مرفوعا في المقدمة وعلى الدوام، بعدما ارادوه ‏هم خرقة للاستخدام الموسمي، وسمّروه في الخلف، ونكشف بوجوههم صفحات سيرتهم ومسيرتهم، فينشقع ‏الضباب عن بعض العيون البريئة الضالة، ونشعرهم ولو لمرة اننا عارفون بكل نواياهم ‏وسلوكياتهم وكيفية بناء زعاماتهم، وطرائق تسلطهم واثمان صعودهم الى حيث هم، وقاعدتها ‏الترهيب او الترغيب والتفرقة والفتن وتعميق الخلافات وتغذية العصبيات، ونبرهن اننا لا ولن ‏نخاف، علّ الحياء يفعل فعله لمرة اخيرة، فتسقط اوراق التين، ويحدث عندنا التغيير... آمين. ‏فما رأيكم «ايها اللبنانيون»؟

ريما فرح (نشر في جريدة الديار بتاريخ 19/2/2007)

مَن؟

أطياف روحي قد رجعت تهذي
باسم يسوع باسم المهدي
من سيكمل طريقي من بعدي
ويحقق أمالي وحبي ووعدي
ويحفر لي قبراً فيعلو به مجدي
ويغسل وجهي بتراب وطني الوردي!

نسبة الزكى

في ناس قلة الزوق عندا Acquis يعني مكتسبة، وناس الزوق عم بينقط منا
في ناس قلة الأخلاق عندا Inne يعني بطبعا، وناس عم تفرق أخلاق عالعالم
في ناس مثقفة.. وناس ما بتعرف تقرا
في ناس كل ما إلا لورا.. وناس طلعت "عالسطح"
في ناس ما بتعرف تسوق.. وناس ما بحياتا
في ناس طالع عبالا ترقص.. وناس طالع عبالا تاكل
في ناس عايشي بقصور.. وناس مشردة عالطرقات
في ناس بتحب.. وفي ناس ما بتعرف تحب
في ناس قلبا مليان حياة.. وناس عايشي من قلة الموت
في ناس مش فرقانة معا شي.. وفي ناس بدا تجلّس الكاجو
في ناس ما بتعرف شو عاصمة لبنان.. وناس مش عم تقدر تفوت عالعاصمة
في ناس مفكرة "تورنتو" بأثيوبيا.. وناس ما بتعرف وين كندا
في ناس مفكرة الشرق الأوسط بأوستراليا.. وناس مش شايفة الخريطة بحياتا
في ناس ما معا أجار تكسي.. وناس عندا 4 سيّارات
في ناس بتضل مخلقة.. وناس ولا أهنا من هيك
في ناس مقبعة معا.. وناس بتضل تلزق
في ناس قلبا عإيدا.. وناس بلا قلب
في ناس مش ناقصا شي.. وناس ناقصا كل شي
في ناس الحسد عامي قلبا.. وناس العمى بقلبا
في ناس بدّا تعمل خير.. وناس بدا الخير يزورا
في ناس بدا تفجر حالا.. وناس بدا تعيش
في ناس بدا تتظاهر.. وناس بدّا تشتغل
في ناس بدا لبنان.. وناس مش فرقانة معا شو عم بيصير بالعراق
في ناس بدا إيران.. وناس بدا أميركا
في ناس بلبنان وبكل العالم كمان

هيدا كلو منيح بس حدا يفهمني ليش هالناس كلاّ هابط عندا معدّل الزكا أو إذا صح التعبير صاير معا هبوط بنسبة الزكا.. بعيدين عنكون

هيدا لبناني

Beloved Lebanon 2007

الى لبنان نهدي هذه المدونة